Stoelriempies is ‘n eenmansaak wat bedryf word deur ‘n ten volle gekwalifiseerde leerlooier. Ek spesialiseer in die span van banke en stoele sedert 1997 en het die afgelope 25 jaar 9 000 stoele en ongeveer 700 banke gespan.

Ek looi my eie leer vanaf 2001. Ek gebruik nie die lieste wat te dun trek of die nekke wat te dik is nie en kan daarom ‘n uitstaande kwaliteit rou riem lewer. Die donkerbruin kleur van die rou rieme bly ook dieselfde.

Ek bied ‘n kwaliteit rou leerproduk, wat jare langer mooi bly en stewig is in teenstelling met wit rieme wat gou pap hang of breek. Rou rieme werk! Volg gerus die skakels vir meer inligting oor en pryse van produkte.